დეტალური აღწერა:
ძიტი მაძია (დაბ. 1961) ცნობილი ჩინელი პოეტი, მხატვარი და კალიგრაფია. ის წარმოშობით ეკუთვნის ნუოსუს (სხვანაირად, ი-ს) ხალხს, რომელიც ძირითადად ცხოვრობს ჩინეთის სამხრეთ-დასავლეთით, სიჩუანის, გუიჯოუს და იუნანის პროვინციებში. ნუოსუს ხალხის რაოდენობა დაახლოებით 7-8 მილიონია. მათ აქვთ უძველესი საკუთარი ენა და დამწერლობა, რომელიც ეკუთვნის ტიბეტურ-ბირმულ ოჯახს. ძიტი მაძია წერს ჩინურ ენაზე, მაგრამ საკუთარ ლექსებში იყენებს ნუოსუს მითოლოგიას და ფოლკლორს, ყვება მათ ისტორიას, აღწერს ყოფას და ზნე-ჩვეულებებს. მისი პირველი პოეტური კრებული ქართულად გამოიცა 2017 წელს, სახელწოდებით „ნუოსუს სიმღერები (გამომცემლობა „საუნჯე“) და ასევე შოთა იათაშვილის მიერ ნათარგმნ 80-ზე მეტ ლექსს იტევს. წინამდებარე კრებული კი „ნუოსუს სიმღერებისგან“ ხასიათით ფრიად განსხვავებულია: მასში ამჯერად ავტორის სამი პოემა – სამი მნიშვნელოვანი, საეტაპო ტექსტია შესული და ეს ნაწარმოებები მისი პოეტური ესთეტიკისა და თემატიკის მრავალფეროვნებას ახალი, საინტერესო კუთხით გვაჩვენებს.