დეტალური აღწერა:
დათო ქარდავა მრავალი წელი იკვლევდა თბილისს, წერდა წერილებსა და წიგნებს, სხვადასხვა ღონისძიებებზე საუბრობდა მის შესახებ, საბოლოოდ კი, ეს ცოდნა პოეზიად გარდაიქმნა.
სწორედ ქალაქი აღმოჩნდა ის მუხტი, რომელსაც ეს ორსახოვანი შემოქმედი, მრავალმხრივ გამოცდილი ჟურნალისტი (ჯიმშერ რეხვიაშვილი) და პროზაიკოსი (დათო ქარდავა), მოულოდნელად პოეზიის სივრცეში გადატყორცნა. მერე კი თანდათან თემებიც გაიშალა, ოღონდ მაინც იმ ფაქტურას, შინაგან განწყობასა და თხრობის მანერას მოჭიდებით, რაც ქალაქურ ლექსებში მკაფიოდ ჩამოყალიბდა. ეს თემატური მრავალფეროვნება კი წიგნზე მუშაობისას კონცეპტუალურად იდეალურად მოერგო კვირის შვიდ დღეს.
ჯიმშერ რეხვიაშვილის პროზაული კრებულები დათო ქარდავას ფსევდონიმით, სხვადასხვა წლებში ლიტერატურული პრემია „ლიტერას” მფლობელი და „საბას” ნომინანტი იყო.
რედაქტორი და წინასიტყვაობის ავტორი - შოთა იათაშვილი